Донецк "Шахтёр"и ҳамда Италиянинг "Милан" клубини бошқарган мураббий Паулу Фонсека яна сиёсий мавзудаги баёноти билан эътибор марказида қолди. У жаҳон чемпионатини АҚШда ўтказиш ғоясига қарши чиқди. Бу ҳақда euro-football.ru хабар беради.
Фонсеканинг фикрича, Доналд Трамп яна АҚШ президенти бўлганидан кейин Европада мамлакатдаги жараёнлар борасида хавотир кучайган. Мураббий айнан шу фонда мундиал мезбонлиги масаласини ҳам танқид остига олди.
"Америка президентининг позицияси шундай: энг ҳимоясизларни эътиборсиз қолдириб, фақат ўз манфаатини олдинга суради. У одамлар ҳақида ўйламайди, фақат пулни ўйлайди. Футболнинг ҳақиқий мухлислари ва унга содиқ инсонлар бошқа жойда, АҚШда эмас, беллашиши керак", — дея Фонсека сўзларини derbyderbyderby.it нашри келтирди.
Эслатиб ўтамиз, жаҳон чемпионати 11 июнь куни старт олади.
“Zamin”ни Telegram'да ўқинг!
