10 январь, пайшанба куни футбол бўйича Англия Лига Кубогининг 1/2 финалининг иккинчи баҳси бўлиб ўтди.
Иккинчи ярим финал жуфтлиги учрашувида «Манчестер Сити» ўз майдонида «Бёртон» жамоасини қабул қилди.
1-бўлимнинг 5-дақиқасида Кевин Де Брюйне ҳисобни очди (1:0). Ўйиннинг 30 ва 34-дақиқаларида Габриэль Жезус рақиб дарвозасига иккита тўп киритиб, дублга эришди. (3:0). 37-дақиқада Александр Зинченко ҳисобни 4:0 кўринишига олиб келди ва томонлар қисқа танаффусга йўл олди.
2-бўлимнинг 57-дақиқасида Габриэль Жезус ҳет-трикка эришди (5:0). 67-дақиқада эса Фил Фоден Бредли Коллинс қўриқлаётган дарвозага гол урган бўлса (6:0), орадан ҳеч қанча вақт ўтмай (65) Габриэль Жезус жамоанинг 7-голига муаллифлик қилди ва покер қайд этди. 70-дақиқада «шаҳарликлар»нинг яна бир ўйинчиси Кайл Уокер «Бёртон» дарвозасини аниқ мўлжалга олди (8:0). Учрашувнинг сўнгги голи 83-дақиқада Рияд Марез томонидан киритилди (9:0).
Шу тариқа «манкунианлар» мусобақа ярим финалининг дастлабки ўйинида йирик ҳисоб қайд этиб, финалга йўлланмани деярли нақд қилди.
Эслатиб ўтамиз, мусобақанинг ярим финал биринчи учрашувида «Тоттенҳэм»клуби «Челси» жамоаси устидан ғалаба қозонди (1:0).
Англия Лига Кубоги
1/2 финал баҳси
10 январь, пайшанба
«Манчестер Сити» – «Бёртон» 9:0
Голлар: 1:0 – 5 Де Брюйне, 2:0 – 30 Жезус, 3:0 – 34 Жезус, 4:0 – Зинченко, 5:0 – 57 Жезус, 6:0 – 62 Фоден, 7:0 – 65 Жезус, 8:0 – 70 Уокер, 9:0 – 83 Марез.
«Манчестер Сити»: Мурич, Уокер (Данило, 74), Отаменди, Зинченко, Гарсиа, Де Брюйне (Фоден, 58), Гундоғон, Силва, Марез, Жезус, Сане (Силва, 66).
«Бёртон»: Коллинс, Брейфорд, Тернер, Бакстон, Ҳатчинсон, Веллес, Акинс, Аллен (Фокс, 68), Фрасер (Шарра, 79), Ҳарнесс, Бойс (Темплтон, 68). “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Дубай ҳукмдорининг энг гўзал қизи қандай ҳаёт кечиради?
Қаҳва ва саратон: олимлардан зўр янгилик!
АҚШ полициячиларининг «ақлли қарори» Legoга маъқул келмади
АҚШ Исроилдан юз ўгирдими? Нетаняҳу Вашингтонга бормайди
Россия Ғазога 29 тоннадан ортиқ инсонпарварлик ёрдами жўнатди
«Крокус»даги ҳужум бўйича саккизинчи айбланувчининг исми ошкор қилинди
Россия омбудсмани: “Дунё Москва яқинидаги теракт ташкилотчиларини топиш йўлида бирлашиши керак”
Нетаняҳу Исроил делегациясининг АҚШга сафарини бекор қилди