Шевченко Италияга қайтиш таклифини нега рад этганини айтди

2006 йилда украиналик ҳужумчи Андрей Шевченко Италия чемпионатини тарк этиб, фаолиятини Англияда давом эттирди. Бироқ икки йил ўтиб, Англиядаги ишлар кутилгандек кетмагани сезила бошлаган пайтда у А Серияга қайтиш имкониятига эга бўлган. Бу ҳақда euro-football.ru хабар беради.

Шевченконинг айтишича, 2008 йилда “Рома” бош мураббийи бўлган Лучано Спаллетти уни жамоага чорлаган, аммо футболчи бу таклифни рад этган. Унинг таъкидлашича, агар Италияга қайтишга қарор қилганида, буни фақат “Милан” сафида амалга оширарди.

Сўнгги йилларда Шевченко мураббий сифатида катта натижаларга эриша олмади, шунингдек у сиёсий фаолиятда ҳам ўзини синаб кўришга уринган.

Abror Tovmurodov

«ZAMIN.UZ» муҳаррири