Fransiyalik taniqli ekstremal sportchi va vingsyutchi Vinsent Kott Alp tog‘larida noodatiy va xavfli sakrashni amalga oshirdi. U baland tog‘ cho‘qqisidan maxsus jihozlar bilan sakrab, havoda qisqa parvoz qildi.
Ma’lumotlarga ko‘ra, sportchi sakrash vaqtida o‘zi bilan gilamdan foydalangan. Tog‘ yonbag‘irlaridan tezlik bilan pastga yo‘nalgan Kott ma’lum masofani havoda parvoz qilib o‘tdi.
Yerga yaqinlashgach, u xavfsizlikni ta’minlash maqsadida parashyutni ochib, muvaffaqiyatli tarzda qo‘nishni amalga oshirdi. Ushbu murakkab va xavfli sakrash uning professional tayyorgarligi va tajribasini yana bir bor namoyon etdi.
Mazkur video ijtimoiy tarmoqlarda katta shov-shuvga sabab bo‘lib, 80 milliondan ortiq marta ko‘rilgan. Foydalanuvchilar uning jasorati va ekstremal sportdagi mahoratini yuqori baholamoqda.
