O‘zbekistonlik futbolchi Abduqodir Husanov Angliyaning “Manchester Siti” klubida o‘tkazilgan tadbirlardan birida oila a’zolari bilan ishtirok etdi. U mazkur uchrashuvda o‘z farzandini jamoa bosh murabbiyi Pep Gvardiolaga tanishtirgani bilan e’tibor markaziga tushdi.
Ma’lumotlarga ko‘ra, tadbir davomida Gvardiola Husanovning oila a’zolari, jumladan uning farzandi va otasi bilan ham tanishgan. Ushbu samimiy uchrashuv futbol muhitida iliq va do‘stona kayfiyatda o‘tgan.
Shuningdek, suratlar klubdagi maxsus tadbir doirasida olingan bo‘lib, unda murabbiy va futbolchi o‘rtasidagi yaqin munosabatlar ham aks etgan. Gvardiola Husanov bilan xayrlashish oson bo‘lmasligini, unga o‘rganib qolganini va uning mehnatini qadrlashini ta’kidlagan.
Tadbirda futbolchining otasi Hikmat Hoshimov ham ishtirok etib, oilaviy muhit ushbu uchrashuvga yanada samimiylik bag‘ishlagan.
