2025 yil aprel-sentyabr oylarida Nintendo kompaniyasining savdolari o'tgan yilning shu davriga nisbatan 110 foizga oshib, 1,1 trillion iyen (7,26 milliard dollar)ni tashkil etdi. Kompaniyaning sof foydasi esa 83 foizga ko'tarilib, 198,9 milliard iyen (1,3 milliard dollar)ga yetdi.
Bu ma'lumotlar Nintendo tomonidan e'lon qilingan moliyaviy hisobotda keltirilgan. Savdo o'sishining asosiy omili iyun oyida sotuvga chiqarilgan Nintendo Switch 2 o'yin konsolining muvaffaqiyatli ishga tushirilishi bo'ldi.
Yangi konsolning to'rt oy ichida 10 milliondan ortiq nusxasi sotildi. Yangi platforma uchun chiqarilgan o'yinlarning umumiy sotuv hajmi esa 20,6 million nusxaga yetib, Mario Kart World va Donkey Kong Bananza kabi hit o'yinlarni o'z ichiga oldi.
Kompaniya muvaffaqiyatli startdan so'ng yillik prognozlarini oshirdi. Endilikda Nintendo 2,25 trillion iyen (14,7 milliard dollar) daromad, 350 milliard iyen (2,3 milliard dollar) sof foyda va bir aksiyaga 181 iyen (1,18 dollar) dividend to'lashni kutmoqda.
