Uy olish osonlashadi, ammo narxlar oshadimi? Shvetsiyada yangi ipoteka islohoti

1 daqiqa o'qish1.6K
Uy olish osonlashadi, ammo narxlar oshadimi? Shvetsiyada yangi ipoteka islohoti

Shvetsiya hukumati uy-joy bozorini jonlantirish va aholining uy sotib olish imkoniyatlarini kengaytirishga qaratilgan yangi islohotni taklif qildi. Ushbu o‘zgarishlar, ayniqsa, yoshlar va bolali oilalar uchun qulaylik yaratishi kutilmoqda. Bu haqda Azertadj nashri xabar berdi.

Yangi qoidalar 2026 yil 1 apreldan kuchga kiradi. Islohot doirasida ipoteka kreditlari bo‘yicha asosiy talablar yengillashtiriladi. Jumladan, kredit limiti oshiriladi va ayrim qarz oluvchilar uchun kreditni tezda qaytarish majburiyati bekor qilinadi.

Yangi tartibga ko‘ra, endi uy sotib oluvchilar mulk qiymatining 90 foizigacha bo‘lgan qismini ipoteka krediti orqali olishlari mumkin bo‘ladi. Avval bu ko‘rsatkich 85 foiz edi. Natijada, dastlabki badal 10 foizgacha kamayadi. Shuningdek, qarzi yillik daromadining 4,5 baravaridan oshadigan fuqarolar uchun majburiy tezkor amortizatsiya talabi bekor qilinadi. Biroq asosiy amortizatsiya qoidalari saqlanib qoladi.

Hukumat vakillarining ta’kidlashicha, ushbu o‘zgarishlar uy xo‘jaliklarining oylik moliyaviy yukini sezilarli darajada kamaytiradi. Masalan, bolali oilalar oyiga bir necha yuz dollar mablag‘ni tejash imkoniga ega bo‘ladi. Yoshlar uchun esa dastlabki depozitni yig‘ish muddati 2–4 yilga qisqarishi kutilmoqda.

Shu bilan birga, mutaxassislar islohot uy-joy narxlarining oshishiga olib kelishi mumkinligidan ogohlantirmoqda. Prognozlarga ko‘ra, 2026–2027 yillarda uy-joy narxlari yiliga 5–6 foizga oshishi ehtimoli bor. Bu esa aholi orasida qarz yukining ortishiga sabab bo‘lishi mumkin.

Shu sababli hukumat qo‘shimcha muvozanat choralarini ko‘rishni rejalashtirmoqda. Jumladan, kreditlarni amortizatsiya qilishni rag‘batlantirish, qo‘shimcha qarz olishga cheklovlar joriy etish, banklarning kapital talablarini kuchaytirish hamda Shvetsiya Markaziy banki — Riksbankning moliyaviy barqarorlikni ta’minlashdagi rolini oshirish ko‘zda tutilgan.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?