O‘zbekiston Respublikasi Gidrometeorologiya xizmati markazi — O‘zgidromet ma’lumotlariga ko‘ra, 17 dekabr kuni mamlakat hududlarida ob-havo keskin farq qilishi mumkin.
Qoraqalpog‘iston Respublikasi va Xorazm viloyatida sovuq havo hukm suradi. Kunduzi havo harorati -3…-8 daraja atrofida bo‘lishi kutilmoqda, tungi paytda esa ayoz yanada kuchayib, -12…-14 darajagacha tushishi mumkin.
Poytaxt — Toshkent shahrida esa yomg‘ir yog‘ishi prognoz qilingan. Kunduzgi harorat +5…+7 darajani tashkil etsa, kechasi +3…+5 daraja oralig‘ida bo‘ladi. Shuningdek, Toshkent viloyati va Namangan viloyatining tog‘li hududlarida qor ko‘chkisi xavfi saqlanib qolmoqda.
Qashqadaryo va Surxondaryo viloyatlarida nisbatan iliq ob-havo kuzatiladi. Bu hududlarda kunduzi havo harorati +8…+13 daraja atrofida bo‘lib, ayrim joylarda yog‘ingarchilik bo‘lishi ehtimoli mavjud.
Toshkent viloyati bilan bir qatorda Sirdaryo, Jizzax va Samarqand viloyatlarida ham yomg‘ir yog‘ishi kutilmoqda. Ushbu hududlarda kunduzgi harorat +2…+7 daraja atrofida bo‘ladi. Farg‘ona vodiysida esa havo nisbatan iliqroq bo‘lib, +5…+10 daraja oralig‘ida saqlanadi.
Tog‘li hududlarda yomg‘ir va qor yog‘ishi ehtimoli yuqori. Kunduzi harorat 0…+5 darajani tashkil qilishi mumkin. Mutaxassislar aholidan ehtiyotkor bo‘lishni, ayniqsa tog‘li va tog‘ oldi hududlarida xavfsizlik qoidalariga amal qilishni tavsiya etmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
