Ўзбекистон Республикаси Гидрометеорология хизмати маркази — Ўзгидромет маълумотларига кўра, 17 декабрь куни мамлакат ҳудудларида об-ҳаво кескин фарқ қилиши мумкин.
Қорақалпоғистон Республикаси ва Хоразм вилоятида совуқ ҳаво ҳукм суради. Кундузи ҳаво ҳарорати -3…-8 даража атрофида бўлиши кутилмоқда, тунги пайтда эса аёз янада кучайиб, -12…-14 даражагача тушиши мумкин.
Пойтахт — Тошкент шаҳрида эса ёмғир ёғиши прогноз қилинган. Кундузги ҳарорат +5…+7 даражани ташкил этса, кечаси +3…+5 даража оралиғида бўлади. Шунингдек, Тошкент вилояти ва Наманган вилоятининг тоғли ҳудудларида қор кўчкиси хавфи сақланиб қолмоқда.
Қашқадарё ва Сурхондарё вилоятларида нисбатан илиқ об-ҳаво кузатилади. Бу ҳудудларда кундузи ҳаво ҳарорати +8…+13 даража атрофида бўлиб, айрим жойларда ёғингарчилик бўлиши эҳтимоли мавжуд.
Тошкент вилояти билан бир қаторда Сирдарё, Жиззах ва Самарқанд вилоятларида ҳам ёмғир ёғиши кутилмоқда. Ушбу ҳудудларда кундузги ҳарорат +2…+7 даража атрофида бўлади. Фарғона водийсида эса ҳаво нисбатан илиқроқ бўлиб, +5…+10 даража оралиғида сақланади.
Тоғли ҳудудларда ёмғир ва қор ёғиши эҳтимоли юқори. Кундузи ҳарорат 0…+5 даражани ташкил қилиши мумкин. Мутахассислар аҳолидан эҳтиёткор бўлишни, айниқса тоғли ва тоғ олди ҳудудларида хавфсизлик қоидаларига амал қилишни тавсия этмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
