Путин Кемероводаги фожианинг асл сабабларини айтди

  • Дунё
  • 27-03-2018, 12:39
  • 1 189
  • Путин Кемероводаги фожианинг асл сабабларини айтди
    Россия президенти Владимир Путин Кемероводаги “Қишки олча” савдо марказида юз берган ёнғин оқибатларини бартараф этишга бағишланган йиғилиш давомида рўй берган воқеага бепарволик ҳамда ўлда-жўлда иш қилиш сабаб бўлганини айтиб ўтди. Эслатиб ўтамиз, савдо марказидаги ёнғин туфайли 60дан ортиқ инсон ҳалок бўлди.

    "Бизда нималар юз беряпти, ахир бу жанговар ҳаракатлар, шахтада метаннинг чиқиб кетиши каби кутилмаган ҳодиса эмаску. Одамлар, болалар дам олишга келганди. Биз демография ҳақида гапирмоқдамиз ва шунча инсонни нима сабабдан йўқотмоқдамиз? Қабул қилиб бўлмас масъулиятсизлик, ўлда-жўлда иш қилиш туфайли", - дея айтиб ўтди Путин.

    Шунингдек, у бир дақиқа сукут сақлаб, ҳалок бўлганларнинг яқинлари ва дўстларига таъзия изҳор қилди.

    Эслатиб ўтамиз, аввалроқ Россия президенти Владимир Путин Кемеровога етиб келгани хабар берилганди.

    Манба: Kun.uz

    » » Путин Кемероводаги фожианинг асл сабабларини айтди
    Яндекс.Метрика