Жорий йилнинг 8 март куни Исроил Мадримов россиялик енгилмас боксчи Магомед Курбановни (25-0-0, 13 КО) бешинчи раунддан техник нокаут билан мағлуб этиб, WBA йўналиши бўйича жаҳон чемпионлиги камарини қўлга киритган эди.
Энди 29 ёшли боксчимиз ўзбек бокси тарихидаги энг катта жангда иштирок этади. Исроилнинг чемпионлик камари учун айни пайтда жаҳоннинг энг зўр профессионал бокс устаси бўлиб турган америкалик Теренс Кроуфорд ҳамюртимиз билан тўқнаш келади.
Жанг 3 август куни АҚШнинг Лос-Анжелес шаҳрида ташкил этилади ва 12 раундга мўлжалланган.
Вазн тоифасидан қатъи назар жаҳон рейтингида биринчи ўринни эгаллаб турган Теренс Кроуфорд ўтган йили ёзда Эррол Спенсни мағлубиятга учратиб, тўртта йўналиш – IBF, WBA, WBC, WBO жаҳон чемпионлик камарларига эга чиқди.
Кроуфорд икки вазн тоифасида тўртта энг нуфузли йўналиш чемпионлик камарларини қўлга киритган дунёдаги ягона боксчи ҳисобланади.
Америкалик чарм қўлқоп устаси вазнини кўтариб, Исроил Мадримовга тегишли чемпионлик камари учун жанг қилишга розилик берди.
Теренс анча таниқли бўлган австралиялик Тим Цзюни мағлуб этиб, жаҳон чемпиони бўлган америкалик Себастьян Фундорани эмас, айнан ўзбек боксчисини танлаганини қуйидагича изоҳлади.
- Исроилни бугунги кунда биринчи ўрта вазн тоифасининг энг зўр боксчиси, деб биламан. Шундай экан, нега бу дивизиондаги энг яхши чарм қўлқоп устасини танламаслигим керак?
Мен рингда ва ундан ташқарида ўзимдан катта мерос қолдирмоқчиман, бунақасини аввал ҳеч ким, ҳеч қачон уддалай олмаган, - деди Кроуфорд.
Кроуфорд профессионал боксчилик фаолиятини 2008 йили бошлаган ва шу кунга қадар роппа-роса 40 та жанг ўтказиб, уларнинг барчасида ғолиб чиққан. Шулардан 31 тасида рақибларини муддатидан олдин таслим қилган.
Исроил Мадримов профибоксга Кроуфорддан ўн йил кейин қадам қўйди. Шундай бўлса-да, ҳамюртимиз қисқа фурсатда жаҳон чемпионлигини қўлга киритди.
Исроил 11 та жангдан ўнтасида зафар қучган ва бир бор дуранг қайд этган. Мадримов еттита учрашувни муддатидан олдин якунлаган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: Махсус ҳарбий операция учун қуролларнинг аксарияти Россияда ишлаб чиқарилади
Кипр ҳукумати россиялик ва украиналик миллиардерларнинг «олтин» паспортларини олиб қўйди
Ўзбекистонда онкологик касалликка чалинган аёллар бепул даволанади
Вирус UFC ни дунёга танитди
Британияда 3 та ҳарбий база узра УУА парвози қайд этилди
"Пахтакор"нинг ўйини мутахассис нигоҳида: "Менимча, ғалаба учун эмас, бир очкони сақлаб қолиш учун ўйнади"
Асир: Украина аскарлари отишни интернетдаги видеолар ёрдамида ўрганишади
БААда исроиллик раввин ўлдирилиши юзасидан Ўзбекистон томони баёнот берди
