Тимур Кападзе Саудия Арабистони устидан қозонилган ғалабадан сўнг нималар деди?

Ўзбекистон олимпия терма жамоаси бош мураббийи Тимур Кападзе ва бугунги учрашувнинг энг яхши футболчиси Ҳусайн Норчаев учрашувдан кейинги матбуот анжуманида иштирок этишди.

- Ўйин ҳақида
- Барчага хайрли кеч. Бугунги тарихий ғалаба билан ҳалқимизни табриклаймиз. Худога шукр, қийин учрашувда чиройли ғалаба қозондик. Майдонда рақибга деярли имконият қолдирмадик. Мақсадимиз сари юришда давом этамиз ва кейинги ўйинга тайёргарлик кўришни бошлаймиз.

Ҳусайн Норчаев
- Ўйин ҳақида
- Ғалаба билан табриклайман. Ғалабага узоқ вақт давомида интилиб келгандик. Ўз юришимизни давом эттирамиз.

- Бугунги учрашув жуда ҳам эмоцияларга бой бўлди. Араб терма жамоаларига қарши кечадиган учрашувлар ҳар доим провокация ва жанжалларга бой бўлади. Биринчи дақиқаларданоқ рақиб футболчилари бизга нисбатан жуда қўпол ўйнашди. Бизнинг футболчиларимиз ҳам ҳиссиётга берилиб жавоб қайтара бошлашди. Танаффусда ушбу ҳолатни тўғрилаш учун йигитларга нималар дедингиз?

- Ўйиндан аввал йигитларга бундай ҳолатлар рўй бериши мумкин деб огоҳлантириб қўйгандим. Ҳар хил вазият бор ва ҳар нарса рўй бериши мумкин эди. Йигитларга совуққон бўлишни талаб қилдим. Йигитлар майдонда фақат футбол ҳақида ўйлашди. Биз футбол бўйича рақибдан устун эканлигимизни билар эдик. Биринчи бўлим сўнгида ҳисобда олдинга чиқиб олгандик. Иккинчи бўлимда улар шундай ўйнашда давом этишди ва қизил карточка олишди.

- Индонезия билан ярим финалда тўқнаш келишингизни кутганмидингиз ва Индонезия терма жамоасининг кучли жиҳатларини санаб ўтсангиз?
- Ушбу мусобақада кутилмаган натижалар қайд этилмоқда. Жанубий Корея каби кучли терма жамоани таслим этишди. Биз Индонезияни ўрганиб чиқамиз. Мақсадимизга эришиш учун яна бир қадам қолди.

Ҳусайн Норчаев
- Саудия Арабистони билан жуда кўп маротаба тўқнаш келганмиз. Бугунги Саудия терма жамоаси сизларга қандайдир янгилик тақдим эта олдими?
- Саудия жамоасини яхши таниймиз. Уларни яхши ўрганиб чиқдик ва шу сабаб уларни мағлуб этдик. Биз саудларни кўп ўрганганмиз.

- Жамоангиз мусобақада ҳали гол ўтказиб юбормади. Буни қандай уддалаяпсизлар ва бу қанчалик сизларга ишонч бермоқда?
- Биз яхши ҳимояланмоқдамиз ва бунда бутун жамоанинг ҳиссаси катта. Ҳимоя ҳужумдан бошланади ва барча футболчилар ҳимоя учун яхшигина тер тўкишмоқда.

Ҳусайн Норчаев
- Финалдаги мағлубиятнинг аламини олдингизлар. Бугунги ғалабадан кейин нималарни ҳис этмоқдасиз?
- Ғалаба қозонганимиз жуда ёқимли. Асосий мақсадимиз сари яна битта қадам ташладик. Кейинги учрашувларда ҳам шундай ўйин намойиш этишни ният қилганмиз. Ўйиндан ўйинга кучайиб боришимиз керак. “Замин” янгиликларини “Одноклассники”да кузатиб боринг