Uzbekistan Airways авиакомпанияси A320 самолётлари дастурий таъминотидаги муаммолар юзасидан изоҳ берди. Reuters агентлиги хабарича, Европа авиакомпанияси Airbus 6 мингта самолётнинг дастурий таъминотини янгилаш мақсадида чақириб олганини маълум қилди.
Компания вакили Kursiv Uzbekistan нашрига берган изоҳида, «Ҳозирча Uzbekistan Airways флоти таркибидаги қайси самолётларга ушбу жараён тааллуқли бўлиши ёки умуман бизнинг бортларимиздан бири мазкур жараёнга киритилишини аниқ билмаймиз. Ҳозирча кутишимизга тўғри келади», — дея таъкидлади.
Airbus компанияси A320 туркумидаги самолётларда учиш бошқарув тизими билан боғлиқ муаммолар юзага келиши мумкинлигини қайд этди. Ушбу муаммолар қуёш нурланишининг юқори даражаси билан боғлиқ бўлиши мумкин.
Компания авиация органлари билан ҳамкорликда ишлаётганини таъкидлади. Коммерсант нашрининг маълумотига кўра, Air France авиакомпанияси дастурий таъминотни янгилаш учун 35 та рейсни бекор қилган, Япония авиакомпанияси All Nippon Airways эса ички йўналишлардаги 60 дан ортиқ парвозни текширувлар учун бекор қилган.
Меҳмон гуруҳидаги фойдаланувчилар ушбу мақолага изоҳ қолдира олмайди.
