Uzbekistan Airways aviakompaniyasi A320 samolyotlari dasturiy ta’minotidagi muammolar yuzasidan izoh berdi. Reuters agentligi xabaricha, Yevropa aviakompaniyasi Airbus 6 mingta samolyotning dasturiy ta’minotini yangilash maqsadida chaqirib olganini ma’lum qildi.
Kompaniya vakili Kursiv Uzbekistan nashriga bergan izohida, «Hozircha Uzbekistan Airways floti tarkibidagi qaysi samolyotlarga ushbu jarayon taalluqli bo‘lishi yoki umuman bizning bortlarimizdan biri mazkur jarayonga kiritilishini aniq bilmaymiz. Hozircha kutishimizga to‘g‘ri keladi», — deya ta’kidladi.
Airbus kompaniyasi A320 turkumidagi samolyotlarda uchish boshqaruv tizimi bilan bog‘liq muammolar yuzaga kelishi mumkinligini qayd etdi. Ushbu muammolar quyosh nurlanishining yuqori darajasi bilan bog‘liq bo‘lishi mumkin.
Kompaniya aviatsiya organlari bilan hamkorlikda ishlayotganini ta’kidladi. Kommersant nashrining ma’lumotiga ko‘ra, Air France aviakompaniyasi dasturiy ta’minotni yangilash uchun 35 ta reysni bekor qilgan, Yaponiya aviakompaniyasi All Nippon Airways esa ichki yo‘nalishlardagi 60 dan ortiq parvozni tekshiruvlar uchun bekor qilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
