Ўзбекистонда корпоративларда мажбурий хурсандчилик энг катта ноқулайлик ҳисобланади. Бу hh.uz томонидан ўтказилган сўров натижасида, унда 300 дан ортиқ иш қидирувчи ва 150 иш берувчи қатнашгани маълум бўлди.
Сўров натижаларига кўра, иштирокчиларнинг 45 фоизи мажбурий хурсандчилигини ёқтирмаслигини билдирган, 39 фоизи эса узоқ давом этадиган тостлардан чарчашини айтган. Кўпчиликка эса ҳамкасбларининг ҳаддан зиёда эркин тутган хатти-ҳаракатлари байрам таассуротларини бузувчи омил сифатида кўринади.
Шу билан бирга, ходимлар ва иш берувчилар бир фикрга келишган: энг яхши корпоратив бу норасмий учрашувдир. Иш берувчиларнинг 42 фоизи ва иш изловчиларнинг 49 фоизи тенглик муҳитини муҳим деб ҳисоблайди.
Яхши мусиқа, осон суҳбатлашиш ва табиий жамоавий атмосфера эса муваффақиятли кечанинг асосий омиллари бўлиб қолмоқда. Кўпчилик учун корпоратив бу ҳамкасблар билан мулоқот қилиш ва дам олиш имкониятидир.
38–41 фоиз респондентлар буни офисдан ташқарида вақт ўтказиш усули деб билади, тахминан 30 фоизи эса бу жамоавий руҳни эслатадиган тадбир деб ҳисоблайди. Аммо респондентларнинг чорак қисми корпоративни ҳанузгача шунчаки расмиятчилик деб билишади.
Меҳмон гуруҳидаги фойдаланувчилар ушбу мақолага изоҳ қолдира олмайди.
