Өзбекстан Президенті Шавкат Мирзиёев медицина қызметкерлері мен фармацевтерді қолдау және ынталандыруға қатысты қосымша шараларды бекітті. Соған сәйкес, 2026 жылдың 1 қаңтары мен 1 сәуірінен бастап бірқатар жаңа жеңілдіктер мен төлемдер енгізіледі.
Осы шаралардың қатарында жалақыға 10% қосымша үстеме, ипотека несиесінің 25% бөлігін мемлекеттің өтеп беруі, қызметкерлердің балаларының білім алу шығындарын өтеу, 30 миллион сомға дейінгі сыйақылар, ғылыми мақалаларды жариялау шығындарын өтеу, тегін емделу және санаторий қызметтері, сондай-ақ мемлекеттік медицина мекемелері қызметкерлері үшін бес күндік жұмыс аптасының кепілдендірілуі сияқты тармақтар бар. Әр жыл сайын Медицина қызметкерлері күні қарсаңында ең үздік дәрігерлер, аурухана және поликлиника басшылары арасында байқау ұйымдастырылады.
Жеңімпаздар бағалы сыйлықтармен марапатталады. Сонымен қатар, мемлекет жоғары рейтингке ие халықаралық ғылыми журналдарда дәрігерлердің ғылыми мақалаларын жариялау шығындарын өтейді.
2026 жылдың 1 сәуірінен бастап барлық мемлекеттік медицина мекемелері бес күндік жұмыс аптасына көшеді. Бірақ демалыс күндері мен мерекелерде кезекшілік сақталады.
Аталған бағдарлама үшін жыл сайын мемлекеттік бюджеттен қосымша 100 миллиард сом бөлінеді. Бағдарламаның жүзеге асырылуын Премьер-министр Абдулла Арипов және Президент Әкімшілігінің басшысы орынбасары Тохир Алиев бақылайды.
