Ташкентте кеден қызметкерлері заңсыз айналымдағы ірі темекі өнімдері партиясын анықтады. Сергелі ауданында өткен рейд барысында акциз маркасы жоқ шамамен 44 мың қорап темекі табылды. Бұл туралы podrobno.uz хабарлайды.хабарлайды.
Тексеру кезінде Labo маркалы автокөліктің жүксалғышынан акциз маркалары мен тиісті құжаттары жоқ бес түрдегі 43,9 мың қорап темекі тәркіленді. Арнайы іс-шара «Ташкент-Аэро» кеден кешені қызметкерлері тарапынан ҰҚҚ және басқа да ведомстволармен бірлесіп өткізілді.
Тәркіленген темекілер заттай дәлел ретінде рәсімделді, оқиға бойынша тексеру жұмыстары жүргізілуде.
Еске салайық, Өзбекстанда контрафакт темекілерді жою тәртібі жаңартылды: енді оларды өртемей, ұсақтау әдісі қолданылады. Бұл тәсіл экологиялық зиянды азайтуға бағытталған.
“Zamin”-ді Telegram-нан оқыңыз!
«Меҳмон» тобындағы келушілер бұл жарияланымға пікір қалдыра алмайды.
