Өзбекстанда салық қарызы мен проблемалық кредиттерді өндіріп алу процесінде жаңа, заманауи тәсілдер енгізілуде. Президент жарлығына сәйкес, борышкердің мүлкі мен активтерін есепке алу, тексеру және сату процестері жеңілдетіліп, цифрлық форматқа көшірілді. Бұл орындау құжаттарына сүйене отырып, активтерді онлайн түрде жүзеге асыруға мүмкіндік береді.
Жаңа тәртіпке сәйкес, салық қарызы мен проблемалық кредиттерді өндіруде орындау құжаттарына сүйене отырып, мүлкін өндіріп алушы тарап ресми рәсімделген процессуалдық құжаттар арқылы мемлекеттік орындаушының шешімімен электрондық онлайн аукциондарда сата алады. Бұл процесс толық ашықтық пен жылдамдықты қамтамасыз етеді.
Заңды тұлғалардың мүлкі де жаңа тәртіп бойынша есепке алынады және тексеріледі. Салық органдарының орындау құжаттары бойынша жұмыстары жауапты тұлға тарапынан жүргізілсе, кепілмен қамтамасыз етілген міндеттемелерді орындауға қатысты құжаттар бойынша мемлекеттік орындаушының тапсырмасы негізінде коммерциялық банктің уәкілетті тұлғасы осы процеске қатысады.
Жаңа жүйедегі тағы бір маңызды жаңалық – орындау құжаттары бойынша аукциондар мен кепілдік құжаттары, есепке алу және тексеру актілері электрондық платформалар арқылы жіберіледі. Бұл қадам салық органы мен коммерциялық банктер үшін бақылауды жеңілдетеді және мүлікті іске асыруды жылдамдатады.
Сонымен қатар, салық органы немесе коммерциялық банктің уәкілетті тұлғасы жасаған есепке алу және тексеру актілеріне сүйене отырып сатылған немесе аукционға ұсынылған активтерге байланысты тәуекелдер ресми рәсімдеуші органдардың жауапкершігінде қалады. Бұл құқықтық қауіпсіздік пен қаржылық ашықтықты қамтамасыз етеді.
Яғни, жаңа тәртіптер арқылы Өзбекстанда салық және кредит қарыздарын өндіру заманауи, цифрлық және тиімді жүйеге айналды.
“Zamin”-ді Telegram-нан оқыңыз!
