Жиззахда Lacetti автомашинаси йўл четидаги бетон тўсиққа урилиб, пастга тушиб кетди

^{Фото: Жиззах вилояти Ички ишлар бошқармаси Йўл ҳаракати хавфсизлиги бошқармаси}
Жиззахда Lacetti автомашинаси 24 июнь куни соат 13:00 ларда йўл четидаги бетон тўсиққа урилиб, пастга тушиб кетди. Бу ҳақда Жиззах вилояти Ички ишлар бошқармаси Йўл ҳаракати хавфсизлиги бошқармаси хабар берди.

Ҳодиса Жиззах вилоятининг Шароф Рашидов тумани ҳудудидан ўтган М-39 “Тошкент-Термиз” автомобиль йўлининг 982 км да содир бўлган.

Самарқанд вилоятида яшовчи 1994 йилда туғилган ҳайдовчи Lacetti автомашинасини бошқариб кетаётганда рул бошқарувини йўқотган.

Ҳодиса оқибатида автомашинанинг 29 ёшли йўловчи тан жароҳатлари олиб шифохонага ётқизилган.