Konsertda reper muxlislar ustiga kutilmaganda sakradi

Katmandu shahrida boʻlib oʻtgan “19-Durbar Marg Street Festival” doirasida qiziqarli voqea yuz berdi. Taniqli nepalalik reper ST Man konsert davomida kutilmagan harakatni amalga oshirdi.

Musiqiy dasturning eng qizgʻin nuqtasida san’atkor sahnadan toʻgʻridan-toʻgʻri minglab tomoshabinlar ustiga sakradi. Hech kim jarohat olmagan.

Keyinchalik ijrochi ushbu lahzani oʻzining ijtimoiy tarmoqdagi sahifasiga joylab, buni faoliyatidagi “eng aqldan ozdirar sahna sakrashi” deb atadi. Ushbu bepul ochiq osmon ostidagi festivalga 50 mingdan ortiq tomoshabin yigʻilgan edi.