Ла Лиганинг 15-турида "Вильярреал" ўз майдонида "Хетафе"ни 2:0 ҳисобига мағлуб этди. Мезбонлар ўйинни тўлиқ назорат қилган ҳолда, ўз имкониятларини самарали амалга оширишди.
"Вильярреал" ўйинни фаол бошлади ва тезда ҳудудий устунликни қўлга киритди. Жамоа қанотлар орқали рақиб ҳимоясига босим ўтказиб, хавфли вазиятлар яратди.
Биринчи кескин ҳужум Мольеронинг дриблингидан сўнг юзага келди, бироқ "Хетафе" дарвозабони Сория жамоасини қутқариб қолди. Шунга қарамай, "Вильярреал" ҳужумларини давом эттириб, танаффусга яқин ҳисобни очишга муваффақ бўлди.
Бьюкенен ўнг қанотда тўпни қабул қилиб, марказга ўтди ва узоқ бурчакка аниқ зарба йўллади. Сория тўпни қайтара олмади ва мезбонлар олдинга ўтди.
Иккинчи бўлимда "сариқ сувости кемаси" анча ишончли ўйнади. "Хетафе" ўйинни рақиб майдонига кўчиришга ҳаракат қилди, лекин мезбонларнинг ҳимоясини ёриб ўта олмади.
Ташаббус доим "Вильярреал" томонида бўлиб, улар босимни оширишда давом этишди. 64-дақиқада ҳал қилувчи вазият юзага келди.
Жуниор тўпни олдинга узатди, Микоаутадзе эса ҳимоячининг хатосидан фойдаланиб, биринчи бўлиб тўпга етиб борди ва уни дарвоза тўрига аниқ йўллади. Бу гол мезбонларнинг устунлигини мустаҳкамлаб, ўйиндаги асабийликни бартараф этди.
"Хетафе" узун паслар орқали ўйинга қайтишга уринди, аммо Жуниор дарвозасига жиддий хавф туғдира олмади. "Вильярреал" ўйин суръатини назорат қилиб, ўйинни ишончли тарзда ғалаба билан якунлади.
Меҳмон гуруҳидаги фойдаланувчилар ушбу мақолага изоҳ қолдира олмайди.
