Туриннинг «Ювентус» клуби ва Франция терма жамоасининг собиқ ҳужумчиси Давид Трезеге яна Аргентинага қайтди. У аввалроқ Буэнос-Айреснинг «Ривер Плейт» сафида тўп суриб, ҳатто клуб билан Аргентина футболининг иккинчи лигасида чемпионликни ҳам қўлга киритган эди. Бу ҳақда euro-football.ru хабар беради.
Бу сафар Трезеге майдонга эмас, клуб бошқарув тизимига келмоқда. «Ривер Плейт» уни раҳбарият иштирокидаги тақдимот маросими орқали таништирди, бироқ унинг аниқ лавозими ҳозирча очиқланмади.
Шу билан бирга, тадбирда Трезеге клубнинг стратегик йўналишлари бўйича ишлаши ҳамда «Ривер Плейт»ни институционал даражада вакиллаши айтиб ўтилди. Эслатиб ўтамиз, француз футболчи 2015 йилда профессионал фаолиятини якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
