Championat.Asia ва Transfermarkt маълумотига кўра, Элдор Шомуродов чет элда фаолият олиб бораётган энг яхши ўзбек футболчиси деб топилди. "Башакшеҳир" ҳужумчиси жаҳон чемпионати йўлланмаси учун курашда терма жамоанинг асосий фигураларидан бирига айланди.
Ўзбекистон Суперлигасининг энг яхши футболчиси сифатида Игор Сергеев эътироф этилди. Мавсумнинг энг яхши мураббийи эса "Нефтчи"ни чемпионликка олиб чиққан Виталий Левченко деб топилди.
"Сурхон"нинг ёш футболчиси Рустам Турдимуродов мавсумнинг энг яхши ёш футболчиси бўлди. У 8 та гол уриб, 3 та голли узатма амалга оширди.
Шунингдек, Championat.Asia ва Transfermarkt Ўзбекистон Суперлигасининг рамзий жамоасини ҳам эълон қилди. Унда "Пахтакор" дарвозабони Владимир Назаров ўрин олди.
У мавсум давомида 22 ўйинда қатнашиб, 15 тасида дарвозаси дахлсизлигини сақлаб қолди ва умумий ҳисобда атиги 11 та гол ўтказиб юборди. Ҳимоя чизиғида "Динамо Самарқанд"дан Жаҳонгир Ўрозов, "Нефтчи" сардори Анваржон Ғофуров, "Пахтакор"дан Ҳожиакбар Алижонов ҳамда "Насаф"дан Шерзод Насруллаев жой олди.
Ярим ҳимоя чизиғида эса "Нефтчи"дан Икромжон Алибоев ва Жамшид Искандаров, "Пахтакор"дан Башар Ресан жойлашди. Ҳужум чизиғини "Сўғдиёна"дан Люпче Дориев, "ОКМК"дан Хуршид Ғиёсов ва "Пахтакор"дан Игор Сергеев ташкил этди.
Сергеев мавсумда 20 та гол уриб, энг яхши тўпурар бўлди.
Меҳмон гуруҳидаги фойдаланувчилар ушбу мақолага изоҳ қолдира олмайди.
