Эмери еврокубокларда «Астон Вилла» билан тарихга кирди

Европа Лигаси умумий босқичининг 7-тури доирасида «Астон Вилла» сафарда «Фенербахче»ни минимал ҳисобда мағлуб этди. Учрашув 1:0 натижаси билан якунланди. Бу ҳақда euro-football.ru хабар беради.

OptaJoe маълумотига кўра, бу ғалаба Унаи Эмери учун «Астон Вилла» бош мураббийи сифатида еврокубокларда 31 та ўйинда қўлга киритилган 20-ғалаба бўлди. Қайд этилишича, инглиз клублари билан 20 та еврокубок ғалабасига бундан тезроқ фақат Девид Мойес («Вест Хэм» — 28 ўйин), Билл Николсон («Тоттенхэм» — 29) ва Боб Пейсли («Ливерпул» — 29) эришган.

7 турдан сўнг «Астон Вилла» Европа Лигаси жадвалида 18 очко билан иккинчи ўринда бормоқда. Якуний турда Эмери шогирдлари ўз майдонида «Ред Булл Зальцбург»ни қабул қилади.

Sardor Ergashev

«ZAMIN.UZ» муҳаррири