АПЛ клублари 2024 йилда 1 миллиард доллардан ортиқ зарар кўрди
2024 йилги молиявий ҳисоботларга кўра, Англия Премьер-лигаси клублари жами 1 миллиард доллардан ортиқ зарар кўриб, бу борада салбий рекорд ўрнатди. Энг катта молиявий йўқотиш "Челси" жамоаси ҳиссасига тўғри келди — клубнинг дефицити 346 миллион долларни ташкил этди. АПЛдаги инқироз фонида Италиянинг "Интер" ҳамда Испаниянинг "Реал" ва "Барселона" клублари йилни фойда билан якунлашга муваффақ бўлишди. Мутахассислар ҳатто энг бой лигаларда ҳам молиявий мувозанатни сақлаш тобора мураккаблашиб бораётганини таъкидламоқдалар.
Европа футболининг 2024/25 йилги мавсуми учун эълон қилинган молиявий ҳисоботлар тизимдаги жиддий муаммоларни ва кўплаб клубларнинг ҳайратланарли даражадаги зарар кўраётганини очиб берди. Дунёнинг энг кучли лигаси деб эътироф этиладиган Англия Премьер-лигаси бу борада салбий кўрсаткичлар бўйича етакчилик қилмоқда. АПЛнинг 20 та клуби жами 1,05 миллиард доллар миқдорида зарар кўрган бўлса, бунда асосий улуш 346 миллион долларлик рекорд даражадаги дефицит билан "Челси" ҳиссасига тўғри келди. Бу ҳақда Auto.mail.ru хабар беради.
Европанинг бошқа гранд клублари орасида молиявий ҳолат турлича кўриниш олган. Италиянинг "Интер" клуби 96 миллион доллар фойда билан энг яхши натижани қайд этган бўлса, Испаниянинг "Реал Мадрид" ва "Барселона" жамоалари мос равишда 85 миллион ва 81 миллион доллар фойда кўрган. Германиянинг "Бавария" клуби 48 миллион доллар, Англиянинг "Ман Сити" жамоаси эса 3 миллион доллар ижобий балансга эга бўлди.
Шу билан бирга, бир қатор машҳур клублар катта миқдордаги молиявий йўқотишларга дуч келди. Хусусан, "Ман Юнайтед" 24 миллион доллар, Франциянинг "PSJ" клуби эса 42 миллион доллар зарар кўрганини маълум қилди. Мутахассисларнинг таъкидлашича, ҳатто энг юқори даромадли лигаларда ҳам молиявий мувозанатни сақлаш тобора қийинлашиб бормоқда. "Челси"нинг кўрсаткичлари эса нафақат Англия, балки бутун футбол тарихи учун хавотирли рекорд сифатида баҳоланмоқда.
Изоҳлар 0
…