Леонид Слуцкий бошқарувидаги «Шанхай Шенхуа» Осиё Чемпионлар лигасида навбатдаги учрашувда ҳам очкосиз қолди. Хитой клуби умумий босқичнинг 6-тури доирасида сафарда «Санфречче Хиросима»га 0:1 ҳисобида ютқазди. Бу ҳақда euro-football.ru хабар беради.
Учрашувдаги ягона ва ҳал қилувчи гол 78-дақиқада киритилди: мезбонлар ҳимоячиси Хаято Араки аниқ зарба билан ҳисобни очди. Бу мағлубият «Шанхай Шенхуа» учун мусобақадаги кетма-кет учинчи омадсиз натижа бўлди.
Олти турдан сўнг 4 очко тўплаган Слуцкий жамоаси турнир жадвалида 11-ўринда бормоқда. «Хиросима» эса 11 очко билан кучли учликдаги 3-поғонани эгаллаб турибди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
