"Бавария" клубининг ташкилий ва инфратузилма бўлими раҳбари Кетлин Крюгер "Гамбург" спорт директори лавозимига асосий номзодлардан бири ҳисобланади. Бу ҳақда Спорт Билд ва Ҳамбургер Абендблатт нашрлари хабар бермоқда. Бу ҳақда Goal.com хабар беради.
Спорт Билд маълумотларига кўра, Крюгер ушбу лавозимни эгаллаш учун энг яхши имкониятга эга. Ҳамбургер Абендблатт эса унинг тез орада оммага таништирилишини таъкидламоқда.
"Гамбург" клуби Стефан Кунтснинг кетишидан сўнг ўзига янги спорт директори қидирмоқда.
Клуб бу жараён учун махсус агентлик ёллаган ва улар Крюгер билан боғланишган. 40 ёшли собиқ футболчи дастлаб қисқа рўйхатга киритилган, кейин эса якуний рўйхатдан жой олган.
Бошқа номзодлар қаторида Себастян Кел ва Клаус Коста ҳам бор эди.
Кетлин Крюгер 22 йилдан бери "Бавария" тизимида фаолият юритади. У 2004-2009 йилларда клуб сафида тўп сурган, сўнгра спорт директори ёрдамчиси ва жамоа менежери бўлиб ишлаган.
2024 йилда у ташкилий ва инфратузилма бўлими раҳбари этиб тайинланган. Агар у "Гамбург"га ўтса, Бундеслигада бундай лавозимни эгаллаган биринчи аёлга айланади.
“Zamin”ни Telegram'да ўқинг!
