Зап Энергй термоядровий стартапи ўзининг асосий қурилмалари билан бир қаторда ядровий бўлиниш реакторларини ҳам ишлаб чиқишини маълум қилди. Компания ишлайдиган электр станциясини қуриш йўлини ўрганиб чиқиб, биринчи навбатда бўлиниш станциясини яратиш тезроқ бўлади деган қарорга келди. Бу ҳақда Techcrunch.com хабар беради.
Компаниянинг янги бош директори Забрина Жоҳал бўлиниш ва синтез битта танганинг икки томони эканлигини таъкидлади. Зап Энергй 300 миллион доллардан ортиқ сармоя жалб қилган энг яхши молиялаштирилган стартаплардан бири ҳисобланади.
Бу қарор сунъий интеллект маълумотлар марказлари томонидан ўсиб бораётган энергия талаби фонида қабул қилинди. 2030 йилга бориб бу талаб қарийб уч баробар ошиши кутилмоқда.
Технология компаниялари электр энергиясига ҳозирданоқ муҳтож, бироқ термоядровий станциялар камида ўн йилдан сўнг тайёр бўлади.
Бўлиниш реакторлари тижорат жиҳатдан анча фойдали ҳисобланади. Зап Энергй ўзининг янги бизнесидан бир йил ичида даромад олишни бошлашни режалаштирмоқда.
Даромад мудофаа ва энергетика вазирликларининг федерал дастурларидан, шунингдек, катта миқдорда электр энергиясига муҳтож компаниялардан келиши мумкин.
Стартапнинг бўлиниш реактори Тошиба ва Япониянинг энергетика саноати тадқиқот институти томонидан биргаликда ишлаб чиқилган 4С дизайнига асосланади. Жоҳалнинг сўзларига кўра, 2030 йилларда талаб шу қадар юқори бўладики, компания ўз мижозларини осонгина топади.
“Zamin”ни Telegram'да ўқинг!
