Россия Саноат ва савдо вазирлиги фотошаблонларни тайёрлаш ва ишлаб чиқариш учун маҳаллий автоматлаштирилган лойиҳалаш тизимининг (SAPR) асосий бўғини бўладиган дастурий мажмуани ишлаб чиқиш бўйича танлов эълон қилди. Гап 90 нм ва ундан юқори топологиялар билан ишлаш учун дастурий таъминот ҳақида бормоқда. Бу ҳақда Ixbt.com хабар беради.
Вазирлик ушбу лойиҳани ишлаб чиқиш учун 943 млн рубль ажратди. Тендер 2026 йил 28 апрелда эълон қилинган бўлиб, ишларни 2028 йил 1 ноябргача якунлаш режалаштирилган.
Яратилаётган ечим маълумотларни юклаш, топологияни визуал назорат қилиш, эскизларни шакллантириш, фотошаблонларни йиғиш каби бир нечта асосий модулларни ўз ичига олиши керак.
Ушбу лойиҳа микросхемаларни лойиҳалаш соҳасида импорт ўрнини босиш курсининг мантиқий давоми бўлди. 2022 йилгача россиялик буюртмачилар Cаденcе ва Сйнопсйс ечимларидан фаол фойдаланган, бироқ санкциялар жорий этилгач, уларни Россияга етказиб бериш тўхтатилган эди.
Шу фонда Саноат ва савдо вазирлиги 2024 йилда маҳаллий САПРни 2030 йилгача ривожлантириш бўйича "йўл харитаси"ни тасдиқлаган эди.
Режага кўра, 2030 йилга бориб Россияда 100 га яқин турли SAPR платформалари пайдо бўлиши ва ушбу дастурий таъминотнинг умумий бозори сезиларли даражада ўсиши керак. Шунингдек, йўл харитасида 2030 йилга келиб янада юпқароқ технологик жараён — 28 нм учун SAPR ишлаб чиқиш бошланиши мумкинлиги белгиланган.
“Zamin”ни Telegram'да ўқинг!
