«Локомотив»нинг собиқ президенти Николай Наумов «Бенфика» бош мураббийи Жозе Моуриньонинг келажак фаолияти ҳақида фикр билдирди. У «Евро-Футбол.Ру»га берган интервьюсида португалиялик мутахассисга қайси чемпионат мос тушишини айтди. Бу ҳақда euro-football.ru хабар беради.
Наумовнинг таъкидлашича, Моуриньонинг энг ёрқин даври ортда қолган. Эксперт фикрича, авваллари сирли ва кутилмаган услуби билан ажралиб турган мураббий ҳозир футбол ривожидан бироз ортда қолгандек кўринади ва натижада одатийроқ кўринишга келиб қолган.
Шу сабаб у Моуриньога Саудия Арабистонини энг мақбул вариант сифатида кўрсатди. Наумов у ерда маошлар юқори экани, шов-шувларни яхши кўришлари ва ёши катта юлдуз футболчилар билан ишлаш имконияти борлигини қайд этди.
Эслатиб ўтамиз, Моуриньо бошқарувидаги «Бенфика» Чемпионлар лигаси 1/16 финалида Мадриднинг «Реал»ига қарши майдонга тушади. Илк учрашув 17 февраль куни Португалияда бўлиб ўтади.
“Zamin”ни Telegram'да ўқинг!
