«Локомотив»нинг собиқ президенти Николай Наумов «Бенфика» бош мураббийи Жозе Моуринью фаолиятини давом эттириши мумкин бўлган чемпионат ҳақида фикр билдирди. У бу ҳақдаги мулоҳазаларини «Евро-Футбол.Ru» нашрига берган интервьюсида айтди. Бу ҳақда euro-football.ru хабар беради.
Наумовнинг таъкидлашича, Моуриньюнинг энг юқори даражадаги даври ортда қолган: мутахассис унга бир муддат танаффус қилиш кераклигини, футбол тенденцияларидан бироз ортда қолганини қайд этди. Унинг фикрича, авваллари сирли ва кутилмаган ечимлари билан ажралиб турган мураббий ҳозир оддийроқ кўринишга келиб қолган.
Наумов Моуринью учун энг мақбул йўл сифатида Саудия Арабистони чемпионатини тилга олди. У ерда маошлар юқори экани, шов-шув ва жанжалларни ёқтиришлари, шунингдек, катта номга эга ёши катта футболчилар билан ишлаш имконияти борлигини айтиб ўтди.
Эслатиб ўтамиз, Моуринью бошқарувидаги «Бенфика» Чемпионлар лигаси 1/16 финалида Мадриднинг «Реал» клубига қарши майдонга тушади. Илк учрашув 17 февраль куни Португалияда бўлиб ўтади.
“Zamin”ни Telegram'да ўқинг!
