Аргентинанинг «Бока Хуниорс» клуби янги спорт директорини расман эълон қилди — бу лавозимни Марсело Делгадо эгаллади. У клуб президенти Хуан Рикельме билан яқин ҳамкорликда ишлайди. Бу ҳақда euro-football.ru хабар беради.
«Бока Хуниорс» таркибни зудлик билан кучайтиришга муҳтож. Шу боис Делгадо ва Рикельме олдида трансферлар бозорида тез ва аниқ қарорлар қабул қилиш вазифаси турибди.
Делгадо футболчилик фаолиятида ҳам ном қолдирган: у 1995–2002 йиллар оралиғида Аргентина терма жамоаси сафида 18 учрашувда майдонга тушган ва 1998 йилги жаҳон чемпионатида ҳам иштирок этган.
Шунингдек, у 2003 йилда Либертадорес кубогининг энг яхши тўпурари бўлган. Делгадо бу совринни «Сантос» ҳужумчиси Рикардо Оливейра билан бирга қўлга киритган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
