Франция Лига 1нинг 22-турида «Марсел» ўз майдонида «Страсбург»ни қабул қилди ва ўйин 2:2 ҳисобидаги жанговар дуранг билан якунланди. Бу ҳақда euro-football.ru хабар беради.
Учрашув бошида меҳмонлар хавфли вазият яратди: 5-дақиқада Дегу Морейра узатмасидан кейин Хоакин Паничелли бош билан зарба берди, бироқ тўп устунга тегди. Кўп ўтмай «Марсел» жавоб қайтарди — Амин Гўйри ҳужумни тезлаштириб, Мейсон Гринвудни тўп билан таъминлади, Гринвуд эса дарвозабон устидан ошириб аниқ урди.
Танаффусдан сўнг мезбонлар яна тезкор ҳужум уюштириб, бу сафар Гўйри ўзи якунлаб берди ва ҳисобни 2:0 кўринишига келтирди. Бироқ ўйин охирида «Страсбург» босимни кучайтирди: 74-дақиқада Себастьен Нанаси рикошет ёрдамида фарқни қисқартирди.
Қўшимча дақиқаларнинг 7-дақиқасида меҳмонлар пенальти орқали қутулиб қолди — Паничелли 11 метрлик зарбани бурчакка йўллади, дарвозабон эса охиригача марказда қолди. Натижада «Марсел» икки тўпликкача бўлган устунликни ушлаб қола олмади.
Ушбу дурангдан кейин «Марсел» турнир жадвалида учинчи ўриндаги «Лион»ни сиқиб чиқара олмади, «Страсбург» эса еттинчи поғонада бормоқда.
“Zamin”ни Telegram'да ўқинг!
