«Қайрат» ҳимоячиси Александр Мартынович Чемпионлар лигасидаги сўнгги ўйиндан кейин «Арсенал» футболчиси Кайу Ҳаверц билан бўлган қизиқарли мулоқоти ҳақида гапириб берди. Унинг айтишича, лондонлик ярим ҳимоячига Мартыновичнинг чеҳраси нимагадир жуда таниш туюлган. Бу ҳақда euro-football.ru хабар беради.
Мартыновичнинг сўзларига кўра, Ҳаверц: «Нимадир сенинг юзинг менга жуда таниш», деган. Шунда Александр аввалроқ «Байер»га қарши ўйнаганини, ҳатто ўша баҳсда рақибни мағлуб этиб, кейинги босқичга ўтишганини эслатган. Шунингдек, Ҳаверц «Челси»да тўп сурган пайтида ҳам улар бир неча бор майдонда тўқнаш келганини қайд этди.
Мартынович коллекциясида Ҳаверцнинг ўйин футболкаси ҳам борлигини алоҳида таъкидлади. Эслатиб ўтамиз, Александр аввал Россия чемпионатида ҳам тўп суриб, «Краснодар», «Урал» ва «Рубин» сафида ўйнаган.
Маълумот учун, «Арсенал» ва «Қайрат» январ ойи охирида Чемпионлар лигасининг умумий босқичи сўнгги турида учрашган. Лондон клуби ўз майдонида 3:2 ҳисобида ғалаба қозонган.
“Zamin”ни Telegram'да ўқинг!
