Аргентина футбол ассотсиатсияси (AFA) президенти Клаудио Тапиа ижтимоий бадаллар тўланмагани ҳақидаги иш доирасида прокуратурага сўроқ учун чақирилди. Бу ҳақда euro-football.ru хабар беради.
У билан бирга ташкилот ғазначиси Пабло Товигино ҳам иш бўйича шахс сифатида тилга олинмоқда. Ҳуқуқ-тартибот органлари ҳар икки мансабдор шахсга мамлакатни тарк этишни тақиқлади.
Сўроқ 5 март куни бўлиб ўтиши белгиланган. Тергов AFA томонидан ижтимоий бадаллар сифатида бюджетга тушиши керак бўлган 13 миллион доллар етишмай қолгани ортидан бошланган.
Шунингдек, Тапиа мулкида қайд этилган, 10 гектарлик ҳудуд ва ундаги вертолёт майдончаси ҳам текширувчилар эътиборини тортди.
Прокуратура алоҳида тарзда футболчиларга бериладиган бонус тўловлари миқдорини ҳам ўрганмоқда: маълумотларга кўра, бу сумма Тапианинг дунё бўйлаб парвоз харажатларидан ҳам кам.
“Zamin”ни Telegram'да ўқинг!
