Argentina futbol assotsiatsiyasi (AFA) prezidenti Klaudio Tapia ijtimoiy badallar to'lanmagani haqidagi ish doirasida prokuraturaga so'roq uchun chaqirildi. Bu haqda euro-football.ru xabar beradi.
U bilan birga tashkilot g'aznachisi Pablo Tovigino ham ish bo'yicha shaxs sifatida tilga olinmoqda. Huquq-tartibot organlari har ikki mansabdor shaxsga mamlakatni tark etishni taqiqladi.
So'roq 5 mart kuni bo'lib o'tishi belgilangan. Tergov AFA tomonidan ijtimoiy badallar sifatida byudjetga tushishi kerak bo'lgan 13 million dollar yetishmay qolgani ortidan boshlangan.
Shuningdek, Tapia mulkida qayd etilgan, 10 gektarlik hudud va undagi vertolyot maydonchasi ham tekshiruvchilar e'tiborini tortdi.
Prokuratura alohida tarzda futbolchilarga beriladigan bonus to'lovlari miqdorini ham o'rganmoqda: ma'lumotlarga ko'ra, bu summa Tapianing dunyo bo'ylab parvoz xarajatlaridan ham kam.
“Zamin”ni Telegramʻda oʻqing!
