Vashington shahrida Binance asoschisi Changpeng Zhaoning to'rt metr balandlikdagi oltin haykali namoyish etiladi. Mazkur yodgorlikni yaratish uchun anonim tarafdorlari tomonidan 50 ming dollar mablag' yig'ilgani haqida Binance platformasi xabar berdi.
Haykaldagi Zhaoning qo'li ko'tarilgan bo'lib, u mashhur 'FUDni e'tiborsiz qoldir' ishorasini ko'rsatmoqda. Qisqa muddatli ko'rgazmadan so'ng haykalni Zhaoning o'ziga topshirish yoki kimoshdi savdosida sotish rejalashtirilgan.
Sotuvdan tushgan mablag' Zhaoning Giggle Academy xayriya jamg'armasiga yo'naltiriladi. Giggle Academy jamg'armasi Zhaoning AQSh hukumati bilan 4,3 milliard dollarlik kelishuvini hal qilganidan so'ng tashkil etilgan.
Ushbu jamg'arma mablag'lari ta'lim va ijtimoiy loyihalarni qo'llab-quvvatlashga sarflanadi. Bundan avval Kursiv O'zbekiston 5-oktabr kuni Bitcoin kursi ilk bor 125 ming dollardan oshib, yangi tarixiy rekord o'rnatgani haqida xabar bergan edi.
