O'zbekistonda daromad solig'i imtiyozi joriy etildi

O'zbekiston investitsiya kompaniyalari xususiy investorlar uchun yangi vosita — individual investitsiya hisobini (IIH) ishga tushirganini e'lon qildi. Freedom Broker mutaxassisi ushbu vosita qanday ishlashi va investorlar daromad solig'idan 12 foizgacha imtiyozni qanday qo'lga kiritishi mumkinligini batafsil tushuntirdi.

Individual investitsiya hisoblari uzoq va yaqin xorijda, hatto qo'shni mamlakatlarda ham keng qo'llaniladigan amaliyotdir. Bu — xususiy investorlarni faoliyatga undash uchun ishlab chiqilgan maxsus brokerlik hisobi turi bo'lib, uning asosiy afzalligi 12 foizlik jismoniy shaxslar daromad solig'idan ozod qilish shaklidagi soliq imtiyozidir.

IIH nafaqat daromadni oshirish uchun vosita, balki foydali moliyaviy odatni shakllantirish imkoniyatidir. Ish haqi yoki boshqa daromadlarning bir qismini muntazam ravishda hisobga o'tkazish orqali investor shaxsiy maqsadlariga erishish uchun mablag'ni samarali jamg'arishi mumkin — yirik xaridlar yoki farzandlar ta'limi haqini to'lashgacha.

Freedom Broker mutaxassislari IIHning jozibadorligini oshiruvchi bir nechta muhim sabablarni ta'kidlab o'tdilar: 1. Soliq imtiyozlari hisobiga daromadni oshirish Investor daromad solig'idan 12 foizgacha ozod qilinish orqali investitsiya foydasini oshiradi.

Bu imtiyoz yiliga 100 barobar eng kam oylik ish haqiga (EOISh) qadar bo'lgan summaga tatbiq etiladi va yillik 15 252 000 so'mgacha tejash imkonini beradi. Soliq imtiyozlari quyidagi normativ hujjatlarga asoslanadi: O'zbekiston Respublikasi Soliq kodeksi, 378-modda, 23-band; 2015 yil 3 iyundagi 387-sonli qonun; 2022 yil 17 yanvardagi 90-sonli qaror.

2. 39 foizgacha daromadni kafolatlash imkoniyati Markaziy bank ma'lumotlariga ko'ra, foiz stavkalari pasayishi va omonatlarning daromadliligi 20,7 foizgacha tushgan sharoitda IIH orqali sotib olingan obligatsiyalar bir yilgacha bo'lgan muddatda yillik 39 foizgacha daromadlilikni kafolatlash imkonini beradi.

IIH korporativ vosita sifatida IIH korporativ ijtimoiy paketi tarkibiy qismi sifatida ham samarali vosita bo'lishi mumkin. Bu biznes uchun xodimlarning motivatsiyasi va sadoqatini oshirish imkoniyatidir.

Ammo, bu vositani qo'llash bo'yicha buxgalterlar savollarga ega bo'lishi mumkin. Ular uchun zarur ko'rsatmalarni birja a'zolaridan (brokerlardan) olish mumkin.

IIH ochish shartlari Asosiy talablar: Hisobni ochish uchun o'z brokeringizga murojaat qilib, maslahat olishingiz kifoya. Fond bozoriga yangi turtki IIHning ishga tushirilishi xususiy investitsiyalar uchun yangi sahifani ochadi: bu vosita kapitalni oshirish va soliq yukini kamaytirishga xizmat qiladi — ayniqsa, alternativ vositalarning daromadliligi pasaygan bir davrda.

“Zamin”ni Telegramʻda oʻqing!