O'zbekistonda oliy ta'lim muassasalari bitiruvchilarini ishga qabul qilgan tadbirkorlarga yetti yil muddatga imtiyozli kredit taqdim etiladi. Bu haqda Adliya vazirligi ma'lum qildi.
Kredit miqdori 5 milliard so'mgacha bo'lishi mumkin. Har bir ishga olingan bitiruvchi uchun kompaniya 1 milliard so'mgacha mablag' oladi.
Ushbu mablag'ni asbob-uskunalar sotib olish yoki aylanma mablag'larni to'ldirish uchun ishlatish mumkin. Agar ishga olingan bitiruvchi ikki yil ichida ishdan bo'shasa, kreditning foiz stavkasi bozor darajasiga qayta ko'rib chiqiladi.
Biroq, bo'shagan o'ringa boshqa bir bitiruvchi ishga qabul qilinsa, bu qoida tatbiq etilmaydi. Shuningdek, mamlakatda bitiruvchilar o'rtasida eng yaxshi startap va innovatsion loyihalar tanlovi o'tkaziladi.
G'oliblar kamida ikki nafar yosh mutaxassisni ishga olgan taqdirda 1 milliard so'mgacha grant olish imkoniga ega bo'ladi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
