Germaniyaning «Verder» klubi kutilmaganda yozgi Shimoliy Amerika turnesidan voz kechishga qaror qildi. Klub bu qarorni nega aynan hozirdan e'lon qilgani noma'lum, biroq moliyaviy tomondan zarba avvalo o'ziga tegishi aniq. Bu haqda euro-football.ru xabar beradi.
Jamoa rahbariyati bu qadamni prinsipial pozitsiya bilan izohladi: ularning aytishicha, «odamlar o'ldiriladigan joyda» o'ynamaslikni ma'qul ko'rishmoqda. Bu izoh klub atrofida bahslarni ham kuchaytirdi.
«AQShning Minnesota shtatida AQSh rasmiylari tomonidan ikki kishi o'ldirilgani haqida xabarlar bor. Bizda prinsip bor: odamlar ko'chada bo'lgani uchungina xavf ostida qolishi mumkin bo'lgan joyda maydonga tushmaymiz», — dedi klub bosh direktori Klaus Filbri. Uning so'zlarini DeichStube keltirdi.
Avvalroq Germaniyada AQShda bo'lib o'tadigan jahon chempionatini boykot qilish g'oyasi ham muhokama qilinayotgani haqida xabarlar tarqalgan edi.
“Zamin”ni Telegramʻda oʻqing!
