Vivo kompaniyasi Xitoy bozorida oʻzining yangi Y600 Turbo smartfoni uchun oldindan buyurtma berish jarayonini boshladi. Qurilmaning rasmiy premyerasi 25-may kuniga rejalashtirilgan boʻlib, aynan oʻsha kuni smartfonning yakuniy narxlari va barcha texnik xususiyatlari ochiqlanadi. Bu haqda Ixbt.com xabar beradi.
Yangi modelning asosiy oʻziga xosligi uning quvvat manbaida — qurilma 9000 mAch sigʻimli Blue Ocean akkumulyatori bilan jihozlangan. Bu oʻrta segmentdagi smartfonlar uchun rekord darajadagi koʻrsatkich hisoblanadi. Shuningdek, korpus IP68 va IP69 standartlari boʻyicha chang va suvdan yuqori darajadagi himoyaga ega.
Texnik jihatdan Vivo Y600 Turbo kutilmagan tanlovga ega boʻldi: u Snapdragon 7s Gen 4 protsessori bilan taʼminlangan. Odatda Xitoy brendlari oʻrta toifadagi qurilmalarda MediaTek chiplaridan foydalanishni afzal koʻrishadi, biroq bu safar Qualcomm platformasiga toʻxtalindi.
Smartfon uch xil rangda sotuvga chiqariladi. Tashqi koʻrinishiga koʻra, asosiy kamera moduli Vivo subbrendi hisoblangan iQOO Z11 modelini eslatib yuboradi. Qurilma uzoq vaqt quvvat saqlashi va ekstremal sharoitlarda ishlashi bilan foydalanuvchilar eʼtiborini tortishi kutilmoqda.
“Zamin”ni Telegramʻda oʻqing!
