Angliya Premer-ligasi chempioni Arsenal jamoasi rasmiy bayonot orqali yozgi transfer oynasidagi ikkinchi ketishni tasdiqladi. Klub darvozabon Karl Hein ning Verder Bremen safiga doimiy asosda oʻtishiga ruxsat berdi. Bu jarayon joriy oy boshida himoyachi Jakub Kiwior ning Portu klubiga transfer qilinishi bilan boshlangan tarkibni tozalash siyosatining davomidir. Bu haqda Goal.com xabar beradi.
Estoniya terma jamoasi posboni Karl Hein iyul oyida Bundesliga vakili bilan shartnoma imzolaydi. 24 yoshli darvozabon 2018-yilda London klubi akademiyasiga kelib qoʻshilgan edi, biroq asosiy jamoada oʻz oʻrnini topishga qiynaldi. Oʻtgan mavsumni Germaniyada ijarada oʻtkazgan posbon endilikda toʻliq transfer huquqi bilan nemis klubi aʼzosiga aylandi.
Arsenal oʻz rasmiy saytida darvozabonga koʻrsatgan xizmatlari uchun minnatdorchilik bildirdi: “Biz Karlga klubdagi faoliyati davomida qoʻshgan hissasi uchun rahmat aytamiz va uning Verder Bremen bilan keyingi faoliyatida omad tilaymiz”. Hein ning ketishi Jakub Kiwior ning transferidan soʻng amalga oshirilgan navbatdagi qadam boʻldi.
Polshalik himoyachi Jakub Kiwior uchun Portugaliya grandi 17 million yevro (qoʻshimcha 5 million yevro bonuslar bilan) toʻladi. Mikel Arteta endilikda yangi mavsum oldidan zaxira darvozabonlari masalasini qayta koʻrib chiqishi lozim. Asosiy tarkibga kirmaydigan oʻyinchilarni sotish klubga moliyaviy holatni yaxshilash va yangi transferlar uchun joy ochish imkonini beradi.
“Zamin”ni Telegramʻda oʻqing!
