08:00 / 09.05.2021
835

«Bavariya» qatorasiga to‘qqizinchi marta Germaniya chempioni bo‘ldi

«Bavariya» qatorasiga to‘qqizinchi marta Germaniya chempioni bo‘ldi

Foto: «Football24.ru»
Myunxenning «Bavariya» jamoasi muddatidan avval Germaniya futbol chempionati joriy mavsumi g‘olibiga aylandi. O‘z uyida Dortmundning «Borussiya»siga yutqazib qo‘ygan (2:3) asosiy ta’qibchi — «Leypsig»  myunxenliklarning chempion bo‘lishida «yordamlashib yubordi».

«Bavariya» qatorasiga to‘qqizinchi marta Bundesliga chempionligini qo‘lga kiritdi. «Leypsig» mavsum tugashiga ikki tur qolganida 64 ochko to‘plab, «Bavariya»dan yetti ochkoga ortda qolyapti. Hans-Diter Flik jamoasi zaxirasidagi o‘yinlar soni bittaga ko‘p.

«Bavariya» — Germaniya Bundesligasining mutlaq sovrindori: chempionliklari soni 31 taga yetdi. Ikkinchi o‘rindagi «Nyurnberg» hisobida to‘qqizta chempionlik bor.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » «Bavariya» qatorasiga to‘qqizinchi marta Germaniya chempioni bo‘ldi