Fantastika yoki ilmiy xayol emas — bu sahifalar haqiqat va tarixdagi eng hayratlanarli kosmik voqealardan biri. Sotheby's kimoshdi uyi Nyu-Yorkda iyul oyining eng intrigali auksionini e’lon qildi: 16 iyul kuni aniq Marsdan ajralgan va Yerga yetib kelgan eng katta meteorit savdoga qo‘yiladi, deb xabar berdi bild.de.
Ekspertlar bu kosmik eksponatni haqiqiy "kolleksionerlar uchun xazina" deb ataydi — NWA 16788 nomini olgan meteorit 25 kilogramm og‘irlikka ega va savdolarda narxi 4 million dollargacha chiqishi mumkin. 2023 yili Nigerda topilgan ushbu tosh nafaqat og‘irligi, balki yaxshi saqlanganligi bilan ham ajralib turadi. "Bu, shunchaki katta tosh emas — bunday darajada to‘la saqlangan, aniq manbaga ega kosmik obyekt dunyoda juda kam uchraydi", deyiladi Sotheby's sharhlarida.
Olimlarning fikricha, NWA 16788 milliard yillar ilgari Marsning qator katta asteroidlardan biri bilan to‘qnashuvi natijasida ajralgan. Tarixiy sayohatdan keyin u Yerga yetib kelib, Niger cho‘llaridan biriga tushgan va 2023 yilda mahalliy topuvchilar tomonidan kashf etilgan. Shu paytgacha butun dunyoda 400 ga yaqin Marsga tegishli meteorit aniqlangan bo‘lib, ularning aksariyati bir necha gramm yoki undan ham kamroq og‘irlikka ega. Shu bois NWA 16788 kosmik fan uchun haqiqiy sir va nodir topilma bo‘lib qolmoqda.
Sotheby's vakillari ushbu toshni "Mars va Yer tarixi o‘rtasidagi ko‘prik", deb atadi. Kolleksionerlar va meteorit ixlosmandlari uchun bu auksion nafaqat moddiy qiymat, balki fan va tarix uchun bebaho topilmaga aylanishi mumkin.
16 iyul kuni kimoshdida savdo qay darajaga chiqadi va NWA 16788 qaysi kolleksiyaga tushishi hozircha sir. Bir narsa aniq: Marsdan yetgan bu meteorit tarix sahifalariga yana bir ajoyib voqea sifatida kiritiladi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
