Ўзбекистон Республикаси Президенти Шавкат Мирзиёев «Бюрократиядан халос бўлиш – 2030» дастури юзасидан қарор имзолади. Мазкур дастур келгуси йил бошидан ишга туширилиши режалаштирилганини Адлия вазирлиги маълум қилди.
Дастур доирасида фуқароларнинг давлат хизматларига қулай кириш имкониятларини яхшилаш режалаштирилган. Шунингдек, суиистеъмолликлар хавфини камайтириш мақсадида ортиқча тартиб-қоидаларни бекор қилиш ва жараёнларнинг шаффофлигини ошириш кўзда тутилган.
«Бюрократиядан халос бўлиш – 2030» дастурини мувофиқлаштириш Стратегик ривожланиш ва ислоҳотлар агентлиги қошида ташкил этилган лойиҳа офисига юклатилган. Бюрократияга қарши кураш бўйича таклифларни ишлаб чиқиш ва кўриб чиқиш «Zero Bureaucracy» платформаси орқали амалга оширилади.
Маълумот учун, давлат раҳбари ҳужжатларни рақамлаштириш орқали мамлакат ҳар йили 24 миллиард сўмни тежаётганини қайд этди. Келгуси беш йил ичида давлат хизматлари сонини 1500 тага етказиш режалаштирилган.
Меҳмон гуруҳидаги фойдаланувчилар ушбу мақолага изоҳ қолдира олмайди.
