O‘zbekiston Respublikasi Prezidenti Shavkat Mirziyoyev «Byurokratiyadan xalos bo‘lish – 2030» dasturi yuzasidan qaror imzoladi. Mazkur dastur kelgusi yil boshidan ishga tushirilishi rejalashtirilganini Adliya vazirligi ma’lum qildi.
Dastur doirasida fuqarolarning davlat xizmatlariga qulay kirish imkoniyatlarini yaxshilash rejalashtirilgan. Shuningdek, suiiste’molliklar xavfini kamaytirish maqsadida ortiqcha tartib-qoidalarni bekor qilish va jarayonlarning shaffofligini oshirish ko‘zda tutilgan.
«Byurokratiyadan xalos bo‘lish – 2030» dasturini muvofiqlashtirish Strategik rivojlanish va islohotlar agentligi qoshida tashkil etilgan loyiha ofisiga yuklatilgan. Byurokratiyaga qarshi kurash bo‘yicha takliflarni ishlab chiqish va ko‘rib chiqish «Zero Bureaucracy» platformasi orqali amalga oshiriladi.
Ma’lumot uchun, davlat rahbari hujjatlarni raqamlashtirish orqali mamlakat har yili 24 milliard so‘mni tejayotganini qayd etdi. Kelgusi besh yil ichida davlat xizmatlari sonini 1500 taga yetkazish rejalashtirilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
