Хоҳ ишонинг, хоҳ ишонманг: 9 метрли тирноқ

  • Дунё
  • 14-07-2018, 14:05
  • 1 030
  • Хоҳ ишонинг, хоҳ ишонманг: 9 метрли тирноқ
    Дунёдаги «Энг узун тирноқли одам» унвони эгаси ҳиндистонлик Шридрах Чиллал тирноғидан айрилди. Бу ҳақда «Хабар» нашри маълум қилмоқда.

    Маълумотларга кўра 66 йилдан бери тирноғини олмаётган 83 ёшли Чиллал 910 сантиметрли тирноқларини олиб, АҚШдаги музейга топширди.

    Нью-Йорк шаҳридаги «Believe it or not!» («Хоҳ ишонинг, хоҳ ишонманг!») музейида уюштирилган тадбирда Чиллалнинг тирноқлари мутахассис томонидан эҳтиёткорлик билан олинди.

    «Тирноқ ўстириш – жуда машаққатли иш. Ухлаётганингизда ҳам эҳтиёт бўлишингиз керак», – деган Чиллал.

    Дунёдаги энг узун тирноқ соҳиби сифатида 2014 йили Гиннеснинг рекордлар китобига киритилган Чиллалнинг энг узун тирноғи бош бармоғиники эди: 197,8 сантиметр.

    » » Хоҳ ишонинг, хоҳ ишонманг: 9 метрли тирноқ
    Яндекс.Метрика