8 944
Наманганлик 4 нафар шахс 844 минг АҚШ долларини Қирғизистонга яширинча олиб ўтишга уринди
Наманган вилоятида яшовчи 4 нафар шахсни меҳнат қилмай осонгина пул топиш мақсади жиноят кўчасида учраштирди. Бу ҳақда «Ҳуқуқ» газетаси'га асосланиб «Дарё» нашри хабар бермоқда.
Ўзининг Nexia машинасида киракашлик қиладиган йигитга таниши қўнғироқ қилиб, «юк» борлиги ва уни Чортоққа етказиб бериш кераклигини айтди. Аввал ҳам бу каби ишларни қилиб юрган киракаш тезда «юк»ни олиб кетишга етиб келди. Машина юкхонасига бешта қора полиэтилен пакетларга ўралиб, скотчланган қутилар жойлаштирилди.
Ҳайдовчи Чортоқ туманидаги Ҳазратишоҳ қишлоғига келганида, уни икки нафар шахс кутиб олди. Улар «юк»ни кўргач, энди уни Турик маҳалласи четига, яъни Ўзбекистон ва Қирғизистон Республикаси чегарасигача олиб бориб бериши зарурлигини айтди. Ҳайдовчи рози бўлди. Чегара ҳудудида тўхтаб, юкхонани очди.
— Мана шуларни маккапоя ортига беркитиб олиб бориш керак, — деди йигитлардан бири.
Шу пайт кўча бошида ҳуқуқ-тартибор органларининг машинаси кўринди. Тўртовлон талвасага тушиб қолди.
Йигитлар қўлларига илинган пакетларни олиб, ўзларини ҳар томонга урди. Аммо чегара пости хизматчиларидан қочиб қутула олмади. Улар жиноят устида қўлга тушди. Қора полиэтилен пакетлардаги «юк» 844 минг 545 АҚШ доллари қийматидаги пул бўлиб, жиноятчилар уни ноқонуний равишда Қирғизистон Республикасига ўтказмоқчи бўлган экан.
Суд томонидан судланувчиларнинг жиноий қилмишлари таҳлил этилиб, шунга яраша ҳукм чиқарилди.
Ашёвий далил сифатида олинган қиймати 1 миллиард 835 миллион 990 минг сўмдан ортиқ бўлган 844 минг 545 АҚШ доллари ҳамда жиноят қуроли деб топилган Nexia автомашинаси давлат ҳисобига ўтказилди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Учар автомобил йўловчи билан биринчи парвозини амалга оширди (видео)
Германияда ишлаш истагида бўлган ўзбекистонлик мутахассислар учун немис тили ўргатилади
Велосипедда сайр қилиш учун 3 сабаб: ёшартиради, оздиради ва умрни узайтиради
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Владимир Путин «Крокус»да содир этилган теракт учун ўч олишга чақирди
Мария Захарова украиналикларни Америка ҳиндуларига ўхшатди
Америкалик олимлар барча учун бирдек фойдали жисмоний фаоллик турини аниқлади
“Толибон” Афғонистоннинг Хост вилоятида беш нафар фуқарони қамчи билан жазолади