Тошкентда 15 йилдан ошган автомобиллар учун Trade-In тизими жорий этилиши режалаштирилмоқда. Бу ҳақида Ўзбекистон Президенти Шавкат Мирзиёевнинг қарорида қайд этилган бўлиб, ушбу механизмни ишлаб чиқиш вазифаси Иқтисодиёт ва молия вазирлиги ҳамда «Ўзавтосаноат» зиммасига юклатилган.
Тизим йўловчи ташиш ва юк автомобиллари учун амал қилади. 2010 йилгача ишлаб чиқарилган ва «Euro-4» стандартига жавоб бермайдиган транспорт воситаларини эгаларга янги автомобиль сотиб олиш имконияти тақдим этилади, бунда маълум миқдорда қўшимча маблағ тўлаш талаб қилинади.
Шунингдек, Ички ишлар вазирлиги келгуси йил охиригача бутун мамлакат бўйлаб транспорт воситаларини техник кўрикдан ўтказишни режалаштирган. Бундан ташқари, Тошкент шаҳрида 700 та чорраҳада сунъий интеллект ёрдамида ишлайдиган ақлли светофорлар ўрнатилиши кўзда тутилган.
Меҳмон гуруҳидаги фойдаланувчилар ушбу мақолага изоҳ қолдира олмайди.
