Семизлик ва бошқа сурункали касалликлар АҚШ визасини олишдан бош тортиш учун сабаб бўлиши мумкин. Бу ҳақда The Washington Post нашри Давлат департаменти раҳбари Марко Рубио томонидан юборилган телеграммага таяниб хабар берди.
Янги қоидалар қиммат даволаниш харажатлари туфайли ижтимоий юк бўлиши мумкин бўлган шахсларни саралашга қаратилган. Визага масъул органлар энди мурожаат қилувчиларнинг тиббий харажатларини мустақил равишда қоплаш имконияти бор-йўқлигини текширишлари керак.
"Президент Трамп маъмурияти ниҳоят америкаликларни биринчи ўринга қўйган ҳолда ушбу сиёсатни тўлиқ амалга оширмоқда", — дея изоҳ берилди Оқ уйда. Ушбу кўрсатма вақтинчалик ва доимий визалар учун қўлланилади.
Танқидчилар бу қоидалар ходимларга субъектив қарорлар қабул қилиш учун ҳаддан ташқари кенг ваколатлар бериши мумкинлигидан хавотир билдирмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
